ಅನಾಮಿಕ ನಿನ್ನ ಜೊತೆಗೆ
ಮೌನ ಸಂಭ್ರಮ ನಡೆದಿದೆ
ಮಾತು ಮರೆತು ನನ್ನ ಮನಸ್ಸು
ಮೂಕವಾಗಿ ಹಾಡಿದೆ
ನೀ ಬಂದು ಹೋದ ನೆನಪು
ನಿನ್ನಂತೆ ನಗುತಿದೆ
ನೀ ಬೆಳಗಿ ಹೋದ ಬೆಳಕು
ನನ್ನನ್ನೇ ಬೆಳಗಿದೆ
ಗಾಳಿ ತೀಡಿ ತಂಪು ನೀಡಿ ನನ್ನ ಬಿಟ್ಟು ಓಡಿತು
ನಿನ್ನ ತಾಗಿ ಹರುಷ ನೀಡಿ ಸೇರು ಎಂದು ಹೇಳಿತು
ನಿನ್ನ ನಗುವ ಕಂಡು ಅಲ್ಲೇ
ಕಾಲರಾಯ ನಿಂತನು
ಭೂಮಿ ತಿರುಗೋ ವೇಗದೊಂದಿಗೆ
ತಾನು ನಡೆಯಲು ಮರೆತನು
ಮಳೆಯ ಬಿಲ್ಲು ಬಣ್ಣ ತು೦ಬಿ ಬೆನ್ನು ಬಾಗಿಸಿ ಮಲಗಿದೆ
ನಿನ್ನ ಜೊತೆಗೆ ಸೇರಿ ಒಮ್ಮೆ ಜಾರು ಎಂದು ಕರೆದಿದೆ
